Триглав осигурување во своите услуги првично опфаќаше неживотно осигурување, а од 2019 година го формираше и друштвото за животно осигурување познато како Триглав осигурување живот АД. 

Со остварена бруто полисирана премија од 1,52 милијарди денари Триглав осигурување го задржа првото место на ранг листата на најголеми осигурителни компании како и во претходните 11 години. 2022 година ја одбележа со пораст на бруто полисираната премија од 13,9% додека добивката пред оданочување се зголеми за 42% во споредба со претходната година и изнесуваше 47,7 милиони денари. 

Ваквата добивка ја рангираше компанијата на 7. место според успешност, додека ако ги погледнеме само неживотните компании тогаш Триглав се наоѓа на 5. место според успешност. 

Значителни успеси забележуваме и кај друштвото за животно осигурување каде бруто полисираната премија се зголеми за огромни 215,9% во 2021 и дури 84,2% во 2022 година. Во 2022 апсолутниот износ на оваа ставка изнесуваше 367,4 милиони денари, додека остварената добивка беше 2 милиони.

Од податоците со кои располага 200 НАЈГОЛЕМИ И НАЈУСПЕШНИ, Триглав Осигурување вработува 215 лица во изминатата година, а Триглав Осигурување Живот вработува 44 лица. 

Повеќе податоци и информации за двете друштва може да најдете во делот за податоци за осигурителни компании.