Живееме во дигитално време, во кое комуникацијата е основа на секојдневниот живот, а пристапот до интернет е неопходен за да ги извршиме секојдневните обврски - од работа и образование, до забава и поврзување со најблиските.

Оваа е можеби главната причина заради која телекомуникациските компании постојано инвестираат во нови технологии и услуги кои ќе овозможат побрз, посигурен и поедноставен начин на комуникација.

Македонски Телеком, како лидер на нашиот пазар во областа на телекомуникациските услуги и како една од најголемите и најуспешните македонски компании која редовно котира високо на ранг листите на 200 НАЈГОЛЕМИ И НАЈУСПЕШНИ, воведе нов комуникациски концепт за своите корисници – без бариери и со неограничен интернет.

Нов концепт за неограничена поврзаност

Со новата понуда на Македонски Телеком, досегашните пакети Magenta 1 и Magenta 1 Business добиваат нова форма – Magenta 1 Unlimited и Magenta 1 Business Unlimited.

Овие пакети се дизајнирани да им овозможат на корисниците беспрекорно искуство во комуникацијата, со неограничен интернет и дополнителни услуги кои го олеснуваат секојдневието.

Главната цел на овој концепт е да се елиминираат ограничувањата во комуникацијата и да се создаде едноставно и безгрижно корисничко искуство.

Според компанијата, новото портфолио претставува „нов начин на поврзување“, кој на корисниците им нуди поголема слобода и сигурност во секојдневната дигитална комуникација.

„Ова не е само ново портфолио, туку сосема нов начин на поврзување на корисниците. Целта е да понудиме едноставно и безгрижно искуство коешто ќе биде неограничено, непречено и комбинирано со многу поволности и попусти.

Верувам дека овој чекор ќе направи промена на пазарот и позитивно ќе влијае на задоволството на корисниците, што е наша примарна цел“ – изјави Горан Марковиќ, Главниот извршен директор на Македонски Телеком.

Интернет без граници – секогаш и секаде

Една од најголемите предности на новите пакети е неограничениот интернет, кој овозможува користење на дигиталните услуги без страв од потрошени гигабајти или намалена брзина.

Покрај тоа, пакетите нудат:

• Роаминг интернет вклучен во пакетите
• Гигабитни брзини преку оптичката мрежа на Телеком
• Стабилна и сигурна поврзаност за дома и бизнис
• Дигитални услуги кои го олеснуваат управувањето со комуникациите

Овие карактеристики се особено важни во време кога сè повеќе активности се одвиваат онлајн – од работа од дома, до стриминг, гејминг и користење на паметни уреди.

Wi-Fi во секој агол од домот

Новата понуда носи и подобрено домашно интернет искуство.

Компанијата промовира дополнителни решенија како Wi-Fi booster, со помош на кои корисниците можат да добијат стабилен сигнал во секој агол од домот, без „мртви зони“ и прекини во интернет конекцијата.

Ова е особено важно за семејствата во кои повеќе уреди се поврзани истовремено – телевизори, лаптопи, таблети, паметни телефони и други паметни уреди.

Дополнителни поволности за корисниците

Покрај неограничениот интернет и брзите оптички мрежи, корисниците на новите пакети добиваат и пристап до Magenta Moments, платформа која нуди ексклузивни попусти и бенефиции.

Со овие понуди, корисниците можат да заштедат значителни средства секој месец, а истовремено да уживаат во дополнителни услуги и привилегии.

Чекор кон дигиталната иднина

Со воведувањето на новиот комуникациски концепт, Македонски Телеком прави значаен чекор кон модернизација на телекомуникациските услуги во Македонија.

Комбинацијата од неограничен интернет, гигабитни брзини и дополнителни дигитални услуги ја поставува компанијата како важен двигател на дигиталната трансформација во земјата.

Во време кога брзата и стабилна комуникација е неопходна, ваквите иновации претставуваат инвестиција не само во технологијата, туку и во квалитетот на секојдневниот живот на корисниците.

А иновациите и новите инвестиции се клучни и за финансискиот развој на компаниите, особено во овој свет во кој сè се одвива забрзано, а Македонски Телеком уште еднаш докажа дека има намера да предничи на ова поле и секогаш да биде чекор пред другите.

Финансиски стабилна година и висок пласман на ранг листите на 200 НАЈГОЛЕМИ И НАЈУСПЕШНИ

Ваквите иновативни решенија и понуди, помагаат Македонски Телеком да остане на лидерската позиција меѓу компаниите што нудат телекомуникациски услуги на нашиот пазар.

Во 2024 година компанијата остварила вкупен приход од 12.450.757.663 денари и добивка пред оданочување од 2.716.011.576 денари.

Во однос на претходната година, компанијата остварила раст на приходите за 3,38% и раст на добивката пред оданочување за 8,69%.

Благодарение на овие резултати, компанијата во рамки на 200 НАЈГОЛЕМИ И НАЈУСПЕШНИ се најде на 12. место на ранг листата на најголемите и на 3. место на ранг листата на најуспешните компании.

Се очекува дека новитетите што компанијата ги пласира само уште повеќе ќе придонесат за поголем развој на компанијата и за уште поголем број задоволни корисници.