Најголемите работодавци во периодот од 2018 до 2022 година
Уште една анализа од податоците на 200 НАЈГОЛЕМИ И НАЈУСПЕШНИ во која ги претставуваме најголемите работодавци и движењето на вкупниот број на вработени кај 50те компании кои биле дел од оваа листа.
Како што може да се забележи на подолу прикажаниот график, вкупниот број на вработени кај 50те најголеми работодавци има опаѓачки тренд. Почнувајќи со речиси 68.000 вработени во 2018 година, бројот на вкупно вработени лица опаднал на 65.400 во 2022 година и покрај благото зголемување од 0,51% во 2021.
Како најголеми работодавци во овој анализиран период се појавуваат истите три компании од кои само една е домашна и тоа во државна сопственост.
Најголем број на вработени има во компанијата Кромберг и Шуберт Македонија ДООЕЛ од Битола, која во 2022 година имала 6270 вработени. На второ место е уште една странска директна инвестиција која е лоцирана во Кавадарци, Дрекслмајер Мануфактуринг Македонија ДООЕЛ. Оваа компанија броеше 6213 вработени лица на крајот на 2022 година. Третото место во последните 5 години и припаѓа на државната АД ЕСМ во која работат 4258 лица. Подолу исто така е прикажано движењето на бројот на вработени кај овие три компании за анализираниот период, во форма на график.
Повеќе податоци за вработеноста како и за компаниите може да најдете тука.
13-03-2026
Производите на ВВ Тиквеш - Стариот добар квалитет во ново руво
Нови шишиња, но стар добар квалитет. ВВ „Тиквеш“ годинава ја доби наградата „Најдобар производител – Република Македонија“, а благодарение на добрите финансиски резултати, пак котираше меѓу првите 100 Најголеми и Најуспешни македонски компании.
12-03-2026
Македонски Телеком најави нова ера на комуникација: Без бариери и со неограничен интернет
Неограничен интернет, бесплатен роаминг, гигабитни брзини... Ова се само дел од новитетите што Македонски Телеком ги најави за своите корисници. Доказ дека заслужено се најде на 3 место меѓу Најуспешните македонски компании.
15-01-2026
