Интеренерго е меѓународна енергетска групација со седиште во Љубљана, која и покрај тоа што е релативно млада, е една од најголемите енергетски компании во регионот. Благодарение на квалификуваниот тим и долгогодишното искуство во областа на енергетиката, ние развиваме одржливи енергетски решенија и проекти повеќе од 15 години. Нашите главни активности вклучуваат тргување со електрична енергија, договори за набавка на електрична енергија (ППА), енергетски услуги и инвестиции во обновливи извори на енергија (ОИЕ).

Со развивање на приспособени енергетски решенија и услуги, ние им помагаме на нашите партнери да ги постигнат нивните енергетски и еколошки цели, истовремено намалувајќи ги нивните ризици и трошоци. Нашите клиенти вклучуваат не само компании, туку и општини и јавни институции. Покрај другите пазари во Југоисточна Европа, активни сме и на Македонскиот пазар, каде изработивме проект  кој вклучуваше обновување на системот за јавно осветлување во општина Радовиш. Со замена на 3.390 застарени светилки, општината ќе добие речиси 16.000 MWh заштеда на енергија и 7.600 тони заштеда на CO2 во текот на договорениот период. 

Важен дел од нашите деловни операции вклучува изградба и управување со електрани од обновливи извори. При развивањето на овие проекти, ние се фокусираме првенствено на сончевата и ветерната енергија. Нашиот најнов инвестициски проект во Хрватска го покажува успешното искористување на синергијата помеѓу овие два обновливи извори. Проектот Јасенице, лоциран во внатрешноста на Задар, ги комбинира ветерниот парк и соларната централа Буковица. Во Репубика Северна Македонија дополнително, ги зголемивме нашите залагања за изградба на ветерениот парк од 30 MW.

Како компанија која комбинира техничка експертиза со сеопфатна визија за создавање и управување со зелени и ефикасни енергетски системи, ќе продолжиме да развиваме проекти кои ќе помогнат да се изгради еластичен и одржлив енергетски систем за зелена Европа.