За прв пат својата врата ја отвори во 1999та година, а денеска КАМ брои мрежа од 80 маркети ширум Македонија, 27 во Косово и 27 во Бугарија. Главната филозофија на компанијата е продажба на принципот на хард-дисконт како би се формирале најдобри цени за потрошувачите со обезбедување на висок квалитет на своите производи. 

Асортиманот на КАМ е внимателно избран и се состои од повеќе од 1700 артикли меѓу кои има и производи од сопствени трговски марки. Палетата на КАМ има над 600 приватни трговски марки, кои се добро познати за пазарот, а се карактеристични само за маркетите на КАМ. Некои од нив се: Lalin, Alpiko, Rolleti, Bella Farm, Solis, Le Bon, Gusto, Milord, Sunny, Saluti, Fiesta, Kamkо и други, а можат да се најдат единствено во маркетите на КАМ.

Производите од секој од овие брендови поминуваат најпрво низ висок степен на контрола на квалитетот па дури потоа се пуштаат во широка потрошувачка, а исто така доаѓаат и од проверено потекло. 

Во овие брендови КАМ Маркет има опфатено повеќе разни производи наменети за секој аспект од домашната потрошувачка. Грицки, јатки, млеко и млечни производи, вино, алкохолни и безалкохолни пијалаци, чоколади, слатки, риба, средства за хигиена и чистење, сите се дел од рафтовите на КАМ каде исто така може да се најде свежо овошје и зеленчук, а од пред неколку години почна да функционира и пекарата која секојдневно нуди свеж леб и печива. 

Како дел од 200 НАЈГОЛЕМИ И НАЈУСПЕШНИ, повеќе податоци за работењето на КАМ во изминатите години прочитајте тука.