На македонскиот пазар почнува со работа во 2007 година во енергетскиот сектор, а низ годините Интеренерго станува  клучен учесник во воведувањето на иновации и одржливи решенија. Успехот на компанијата е тесно поврзан со превземените стратегиски чекори со кои ги задоволува постојано менувачките барања на дејноста.

Според официјалните податоци на 200 НАЈГОЛЕМИ И НАЈУСПЕШНИ, од 2018 година Интеренерго е рангирана како една од најголемите компании според остварен вкупен приход. Очекувано, резултатите на компанијата секоја година се се подобри, па така почнувајќи од 143то место на листата на најголеми со приход од 1.2 милијарди денари во 2018 година, Интеренерго ја заврши 2022 година како 66та најголема компанија и оствари приход од 4.5 милијарди денари. Ако го разгледаме графиконот во текстот подолу, може да се забележи дека Интеренерго секоја година има раст на приходите, а во 2022 растот изнесува дури 80%. Не е за занемарување и остварената добивка пред оданочување, која во 2022 изнесува 41 милиони денари, а споредбено со претходната година ова значи остварен раст од дури 456%.  Ова препознавање на компанијата како една од најголемите ја одразува нејзината финансиска моќ и нејзината способност да се справува со конкурентниот пазар.

Меѓународната афилијација на компанијата дополнително придонесува кон тоа компанијата да има глобален поглед и секогаш да биде пред индустриските трендови, развивајќи ја меѓународната соработка. Со ова, Интеренерго уште повеќе го проширува своето влијание и ја потврдува својата позиција како моќен играч во енергетскиот сектор.