Финансиските перформанси на ДМ во Македонија
ДМ Дрогерие Маркт е уште една странска компанија со успешна приказна на македонското поднебје.
Компанијата влегува на пазарот во 2012 година, а инаку се работи за австриска инвестиција која постои повеќе од 40 години.
Од почетокот на работењето на нашиот пазар, ДМ остварува значителен успех кој од година во година е се поголем и позабележителен. Од 2020 година компанијата се рангира најпрво помеѓу најголемите компании, а подоцна и меѓу најуспешните.
Во 2020 година кога за прв пат ДМ се појави на листата на најголемите компании со вкупен остварен приход од 1,03 милијарди денари беше рангирана како 187ма компанија. Следната година, со раст од речиси 32% и остварен приход од 1,36 милијарди денари, компанијата се искачи на 169то место на листата.
Веќе во 2022 со остварен приход од 1,79 милијарди денари, се рангира на уште повисоко место како 156та компанија, а со добивка пред оданочување од 127 милиони денари, ДМ влегува и на листата на најуспешни компании како 143та. Добивката во 2022 година бележи пораст од 99% во однос на 2021 година кога изнесуваше 63,8 милиони денари.
Бројот на вработени во ДМ Дрогерие во 2020 беше 139, а во 2022 се зголеми на 192 лица.
13-03-2026
Производите на ВВ Тиквеш - Стариот добар квалитет во ново руво
Нови шишиња, но стар добар квалитет. ВВ „Тиквеш“ годинава ја доби наградата „Најдобар производител – Република Македонија“, а благодарение на добрите финансиски резултати, пак котираше меѓу првите 100 Најголеми и Најуспешни македонски компании.
12-03-2026
Македонски Телеком најави нова ера на комуникација: Без бариери и со неограничен интернет
Неограничен интернет, бесплатен роаминг, гигабитни брзини... Ова се само дел од новитетите што Македонски Телеком ги најави за своите корисници. Доказ дека заслужено се најде на 3 место меѓу Најуспешните македонски компании.
15-01-2026
