Во оваа анализа го претставуваме движењето на вкупно остварената добивка пред оданочување од страна на 200те најуспешни компании за период од 5 години. Како што може да се забележи и на графикот подолу, во 2018 година компаниите кои беа рангирани како 200 најуспешни, заедно оствариле 63,3 милиони денари добивка. Во 2019 има благ пад од 2,7%, но веќе во 2020 година вкупната добивка се намалува за 11,3% и изнесува 54,6 милиони денари. Приходот кој овие компании го оствариле исто така е намален за дури 18,5% во една година и изнесувал 578,4 милиони во 2019 и 471,5 милиони во 2020.

Веќе во 2021 состојбата почнува да се подобрува и имаме зголемување на вкупната добивка од 14,1% односно вкупниот износ е 62,3 милиони денари. Во 2022 година има приближно процентуално зголемување од 15,7%, а добивката која е остварена изнесувала 72,1 милиони денари. 

И покрај падот во кризните периоди, сепак добивката има растечки тренд како што е прикажано и на графикот. Спротивно на ова, ако го погледнеме бројот на вработени лица, забележуваме дека иако од 2021 година има зголемување, сепак бројката сеуште не е ни блиску до онаа во 2019. Тука е видлив опаѓачки тренд и тоа за 11,1% во 2022 наспроти 2019 година.